Qarajal bilim bóliminiń basshysy 5 mln teńgege jýyq bıýdjet qarjysyn jymqyrǵan
QARAǴANDY. QazAqparat - Qarajal bilim bóliminiń basshysy bıýdjet qarjysyn jymqyryp, zańsyz aqsha jınaǵan, dep habarlaıdy «QazAqparat» HAA tilshisi.
«Qarajal qalalyq bilim bóliminiń basshysy júıeli túrde zańsyz aqsha jınap, 4 mln 900 myń teńge bıýdjet qarjysyn jymqyrǵan. Qylmystyq istiń óndirisi aıaqtaldy», - dep habarlady Qaraǵandy oblysyq sybaılas jemqorlyqqa qarsy is-qımyl ulttyq bıýro departamentiniń basshysy Shattyq Óteev.
Qarajal qalalyq sotynda túsindirgendeı, sottalýshylar ekeý bolǵan - bilim bóliminiń basshysy men onyń qol astyndaǵy ekonomıst.
Sýdıa Venera Mahabaeva aıyptalýshylardy QR QK 189-baby «Senip tapsyrylǵan bóten múlikti ıemdenip alý nemese talan-tarajǵa salý» boıynsha kináli dep tapty.
«Olardyń árqaısysy 5 jylǵa bostandyqtaryn shektep, sol merzimge probatsııalyq baqylaý jazasy taǵaıyndaldy. Olarǵa qylmystyq-atqarý júıesi departamenti probatsııa qyzmetine eskertýsiz mekenjaıyn aýystyrýǵa, túngi ýaqytta kóńil kóteretin jerlerge barýǵa jáne qaladan shyǵýǵa bolmaıdy», - dep habarlady sotta.
Sottalýshy senimsizdik keltirgeni úshin jumystan bosatylyp, memlekettik qyzmetterde basshylyq laýazym atqarýǵa ómir boıyna tyıym salyndy.
