Qarajal-Atasý avtojolyn jóndeý jumystary bıyl bastalatyn boldy
QARAǴANDY. QazAqparat - Bıylǵy jyly Qaraǵandy oblysyndaǵy eń ózekti degen máselelerdiń biri sheshimin tabady. Bul týraly baspasóz máslıhatynda Qarajal qalasynyń ákimi Tilektes Dosaev aıtyp berdi, dep habarlaıdy QazAqparat.
«Bıyl tuńǵysh ret respýblıkalyq bıýdjet esebinen Qarajal-Atasý avtojolyna asfalt tóseý kózdelip otyr. 21 km joldyń 90 kılometrine asfalt bıyl tóselmek»,-dedi ákim.
Ol 2 jylda Jáırem-Qarajal trassasynyń 56 km joly jóndeletinin atap ótti. Osylaısha, qıyrshyq tas tóselgen Qarajal-Atasý avtojolynyń problemalyq bóligine asfalt salynady. Bul baǵytqa jalpy kólemi 4 mlrd 820 mln teńge jumsaý kózdelip otyr.
«Konkýrs ótti, merdigerler anyqtaldy, jýyrda biz «Qaraja-Atasý» jolyn jóndeýdi bastaımyz. Ol úshin bıýdjetten 767 mln teńge qarastarylǵan. Al qalǵan 70 km joldy jóndeý jumystary kelesi jylǵa qalady»,-dep naqtylady T.Dossaev.
