Karavadjonyń sońǵy kartınasy 20 jyldan keıin alǵash ret kórmege qoıylady

ASTANA. KAZINFORM – Barokko óneriniń negizin salýshylardyń biri sanalatyn ıtalıandyq sheber Karavadjonyń sońǵy sýreti Londonda 20 jyldan keıin alǵash ret kórmege qoıylady, dep habarlaıdy Euronews. 

Ulttyq galereıanyń «Sońǵy Karavadjo» atty jańa ekspozıtsııasy sońǵy jumysyn salǵan kezde kisi óltirdi dep aıyptalyp, qashyp júrgen sýretshiniń shyǵarmashylyǵyn usynady. 

Karavadjonyń sońǵy jumysy — «Áýlıe Ýrsýlanyń azaby» 1610 jyly salynǵan.

Sol jyly sýretshi kisi óltirdi dep aıyptalyp, sosyn papanyń keshiriminen keıin Rımge qaıtyp kele jatyp qaıtys bolady. 

Júzdegen jyldar boıy bul kartına Karavadjo izbasarlarynyń biriniń týyndysy dep eseptelip keldi.

Biraq onyń shynaıy shyǵý tegi 1980 jyldary belgili boldy. 

«Sońǵy Karavadjo» kórmesi 18 sáýir ben 21 shilde aralyǵynda London ulttyq galereıasynda ótedi. Kórmege kirý tegin.