Qaraýsyz qalǵan qarttar úıiniń 12 turǵyny ajal qushty
ASTANA. QazAqparat - Amerıkanyń Florıda shtatyndaǵy qarttar úıinde 12 turǵynnyń ólýine baılanysty 245 qyzmetkerdiń barlyǵy jumystan qýylǵan.
Bul jaıly Associated Press habarlaıdy.
Florıdada soqqan alapat «Irma» daýyly qarttar úıiniń janyndaǵy transformatordy isten shyǵarǵan. Sonyń saldarynan úıdegi salqyndatqyshtar elektr togynsyz qalǵan. Daýyldan keıingi aptap ystyqqa qarttar úıiniń 8 turǵyny shydaı almaı, jan tásilim etken. Az ýaqyttan soń taǵy tórt adam qaıtys bolǵan.
Shtat gýbernatory Rık Skott osy oqıǵadan keıin egde jandardyń jaǵdaıyn jasaı almaıtyn qyzmetkerlerdiń ol jerde jumys isteýine jol bermeıtinin málimdedi.
