Karateshi Nurqanat Ájiqanov «Jyl jańalyǵy» atalymyna laıyqty dep tanyldy
NUR-SULTAN. QazAqparat - Búgin, 12 jeltoqsan kúni, elordada 2021 jylǵy Ulttyq sporttyq júlde jeńimpazdary anyqtaldy. «Jyl jańalyǵy» atalymynda qazaqstandyq karateshi Nurqanat Ájiqanov jeńiske jetti dep habarlaıdy Olympic.kz.
Nurqanat jaqynda Birikken Arab Ámirlikterinde ótken álem chempıonatynda eki qola medal jeńip aldy. Ol aldymen jekeleı synda úzdik úshtikke ense, keıin komandalyq syndaǵy tarıhı júldege atsalysty. Qazaqstan quramasy úshinshi oryn úshin ótken jekpe-jekte Túrkııany utqan bolatyn.
«Men eresekter arasyndaǵy álem birinshiligine alǵash ret qatysyp, júldemen oraldym. Bul sporttyq mansabymdaǵy eń alǵashqy ári eń iri jeńisim bolatyn. Sondyqtan, búgingi jeńis men úshin erekshe mańyzdy.
Men úshin elimizdiń myqty sportshylarymen bir tizimde turý úlken abyroı. Onyń ústine, mundaı baıqaý atletterdi odan ári shabyttandyrady.
Bizdi umytpaı, eńbegimizdi eskerip jatqan Ulttyq Olımpıadalyq komıtetke kóp rahmet!
Daýys bergen ár jankúıerge de alǵysym zor. Biz óz kezegimizde halyqty jeńispen qýantýǵa tyrysamyz. Rahmet!», - dedi sportshy.
