Karateshi Qaısar Alpysbaı Chılıde ótken Premer-lıgada top jardy
NUR-SULTAN. QazAqparat - Chılıdiń Santıago qalasynda karateden 2020 jylǵy alǵashqy reıtıngtik týrnır - Premer-lıga básekesi aıaqtaldy. Atalǵan synda qazaqstandyq sportshylar sátti óner kórsetti, dep jazady Olympic.kz.
60 kelige deıingi salmaqta Qazaqstan atynan úsh sportshy synǵa túsken bolatyn.
Týrnır qorytyndysy boıynsha Qaısar Alpysbaı fınalda baq synap, álem chempıony, brazılııalyq Brozany jeńdi. Bul - Qaısardyń Premer-lıga týrnırindegi eń alǵashqy jeńisi.
Darhan Asadilov pen Erkinbek Baıtóreev jarystyń qola júldesi úshin kezdesýi tıis edi. Alaıda, Erkinbek Darhanǵa jol berip, qola júlde Asadilovke buıyrdy.
67 kelidegi Dıdar Ámiráli qola júlde úshin ótken kezdesýde venesýelalyq álem chempıony Maderany utyp, úzdik úshtikke endi. Osy salmaqtaqtaǵy taǵy bir qola júldeni qazaqstandyq Asylbek Muratov ıelendi.
84 kelidegi Igor Chehmarev pen +68 kelide synǵa túsken Sofıa Berýltseva qurama qorjynyn qola júlde saldy. Al úshinshi orynǵa talasqan 75 kelidegi Ermek Aınazarov Marokko sportshysynan utylyp, alǵashqy bestikke endi.
«Chılıdegi týrnırde qazaqstandyq 12 sportshynyń segizi júldege talasty. Menińshe, bul - jaqsy kórsetkish. Alda bizdi úlken jarys kútip tur. Bul - Parıjdegi Premer-lıga básekesi. Chılıdegi jaqsy nátıjemiz Parıjde eselene túsedi dep oılaımyz», - deıdi komanda bas bapkeri Jastalap Sanaýov.
