Karateshi Laýra Áliqul Azııa oıyndarynyń fınalyna shyqty

Karateden Laýra Áliqul (68 keli) Qytaıdyń Hanchjoý qalasynda ótip jatqan HІH jazǵy Azııa oıyndarynyń fınalyna shyqty, dep habarlaıdy QazAqparat tilshisi.

QR Týrızm jáne sport mınıstrligi Sportty damytý dırektsııasy baspasóz qyzmetiniń habarlaýynsha, Laýra jartylaı fınalda ındonezııalyq Seıko Djordjııa Zefanıany 5:1 esebimen jeńip ketti.

Qarsylasy 2 dúrkin Azııa chempıony atanǵan tájirıbeli sportshy bolatyn.

Laýra jartylaı fınalǵa deıin taǵy bir 2 dúrkin Azııa chempıony Hýong Zı Dınhty (Vetnam) 7:4 esebimen orta jolda qaldyrdy.

Endi ol fınalda qytaılyq Tsıaotsıao Lımen kúsh synasady. Qytaılyq sportshy buǵan deıin Azııa chempıonatynyń kúmis jáne qola júldegeri bolǵan.

Eske salsaq, Azııa oıyndarynda karateshi Nurqanat Ájiqanov fınalǵa shyqty.