Ásel Qanaı Azııa oıyndarynyń kúmis júldegeri atandy
TOIOHAShI.KAZINFORM – Qazaqstandyq karateshi Ásel Qanaı Japonııada ótip jatqan HH jazǵy Azııa oıyndarynyń júmis atandy.
Ásel Qanaı áıelder arasynda 61kg salmaqta kýmıte baǵdarlamasynda synǵa tústi. Aqtyq synda, qazaqstandyq sportshy qytaılyq Lı Gýnnan 8:2 esebimen jeńildi.
Osyǵan deıin, otandasymyz shırek fınalda mońǵolııalyq Pýrevjav Maraljıngoony 9:1 esebimen jeńse, jartylaı fınalda kambodjalyq Van Chakrııany 3:0 esebimen qapy qaldyrdy.
Ásel Qanaı 2022 jylǵy Hanchjoý Azııa oıyndarynyń qola júldegeri, eki dúrkin Azııa chempıonatynyń chempıony. Sondaı-aq, ol Álem chempıonatynyń jáne Prımer-lıganyń júldelerin jeńip alǵan.
Aıta keterligi, bul Qazaqstan quramasynyń osy Azıadadaǵy alǵashqy kúmis medali.
Eske sala ketsek, Qazaqstan karate quramasy jarystyń alǵashqy kúni eki altyn medal jeńip aldy. Jolaman Bıǵabyl erler arasynda 55kg salmaqta chempıony atandy.
Sonymen qatar, karateshi Sofıa Berýltseva Qazaqstan qorjynyna Azıadanyń tórtinshi altynyn saldy.
