Karateden Premer-Lıga týrnıri: Eki qazaqstandyq fınalǵa shyqty
MADRID. QazAqparat – Ispanııa astanasy Madrıdte karateden jyldyń qorytyndy týrnıri – Premer-lıganyń sońǵy kezeńi ótip jatyr. Qazaqstan sportshylary birneshe salmaqta fınalǵa shyqty, dep habarlaıdy QazAqparat.
QR Ulttyq Olımpıadalyq komıtetiniń aqparatyna sáıkes, 84 kelige deıingi salmaqta synǵa túsken qazaqstandyq karateshi, Azııa oıyndarynyń júldegeri Danııar ıÝldashev (olımpıadalyq reıtıngte 14-shi orynda) týrnırdiń altyn júldesine talasady. Fınalǵa deıin ıÝldashev Nıderland, Frantsııa, Iran sportshylaryn utty. Jartylaı fınalda ázerbaıjandyq Ranah Abdýllaevpen kezdesip, 2:0 esebimen basym tústi. Búgin ótetin aqtyq synda Danııar ıÝldashev olımpıadalyq reıtıngte kósh bastap turǵan túrkııalyq Ýgýr Aktaspen jolyǵady.
Sondaı-aq áıelder arasynda +68 kelide synǵa túsken Sofıa Berýltseva týrnırdiń fınalyna joldama aldy. Berýltseva Kosovo, Majarstan, Italııa jáne Japonııa sportshylaryn jeńdi. Aqtyń synǵa joldama úshin talasta jarys qojaıyny Marııa Torresti utty. Al altyn medaldy eresekter arasyndaǵy álem chempıony Elena Chatzılıadamen sarapqa salady.
