Karateden QR quramasy Portýgalııadaǵy álem chempıonatynan 20 altyn medalmen oraldy (FOTO)
ASTANA. QazAqparat - Shotokan stılindegi karate-dodan Qazaqstan quramasy álem chempıonatynda (FSKA) sátti óner kórsetip, Astanaǵa qaıtyp keldi. Ol 26-28 qyrkúıek kúnderi Portýgalııanyń Almada qalasynda ótti. Elordadaǵy áýejaıdan sportshylardy olardyń jankúıerleri qarsy aldy.
«Chempıonatqa álemniń 20 elinen komandalar keldi. Bizdiń sportshylar 20 altyn medal utty, kúmis pen qola júldeler odan da kóp. ıAǵnı, bizdiń jetistikterimiz kútken nátıjelerimizden de asyp tústi. Jaz boıy daıyndaldyq. Sportshylarymyz bizdiń úmitimizdi aqtady», - dedi komanda jattyqtyrýshysy Raýan Toǵyzbaev. Onyń sózine qaraǵanda, qazaqstandyq sportshylar bilikti tehnıkalary men ózderiniń patrıottyq sezimderin joǵary deńgeıde pash etti.
