Karateden QR quramasy Azııa chempıonatynda jalpykomandalyq 1-oryn aldy

ASTANA. QazAqparat – Karateden Qazaqstan quramasy Malaızııada ótken Azııa chempıonatynda 3 altyn, 4 kúmis jáne 4 qola medal jeńip alyp, jalpykomandalyq esepte 1-shi orynǵa ıe boldy. QazAqparat bul týraly Mádenıet jáne sport mınıstrliginiń baspasóz qyzmetine silteme jasap habarlaıdy.

Atap aıtqanda, tuǵyrdyń eń joǵary satysyna Qaısar Alpysbaı (60 kelige deıin) jáne Nurqanat Ájiqanov (75 kelige deıin) kóterildi. Qyzdar arasynda Sofıa Berýltseva (68 keliden joǵary) altyn medal jeńip aldy.

Dıdar Ámiráli (67 kelige deıin), Móldir Jańbyrbaı (50 kelige deıin), Gúlmıra Úsenova (55 kelige deıin) jáne «kýmıte» boıynsha erler komandasy kúmis medal enshiledi.

Jolaman Bıǵabyl (55 kelige deıin), Lııa Qoshqarbaeva («kata» jattyǵýy), Danııar ıÝldashev (84 kelige deıin) jáne Abylaı Tóltaı (84 keliden joǵary) qurama qorjynyna qola medal saldy.

Jarysqa barlyǵy 31 elden 400-den astam karate sheberi qatysty. Qazaqstannyń namysyn 19 sportshy qorǵady. Nátıjesinde ulttyq qurama jalpymedaldyq esepte birinshi orynǵa kóterildi.

«Sportshylardyń árqaısysyn qurlyqtyq birinshilikte jeńip alǵan marapattarymen quttyqtaımyn! Bul shynymen de tarıhı nátıje. Komandanyń jattyqtyrýshylar quramyna alǵys aıtqym keledi. Qazaqstan quramasyna jeńis tuǵyrynan túspeı, aldaǵy Azııa oıyndarynda da osyndaı nátıje kórsetýge tilektespin. Mundaı jetistik kóptegen jas karateshilerdi bolashaqta úlken jeńisterge shabyttandyrady dep úmittenemin. Al biz sportshylarymyzǵa barynsha qoldaý kórsetýdi jalǵastyramyz», — dedi Mádenıet jáne sport mınıstri Ashat Oralov.