Karateden Qazaqstan quramasy Premer-lıga týrnırin tórt medalmen qorytyndylady
ASTANA. KAZINFORM — Qytaıdyń Leshan qalasynda karateden álemdik Premer-lıga sanatyndaǵy jarys máresine jetti.
Qazaqstan karate federatsııasynan málim etkenindeı, ulttyq qurama qorjynyna tórt medal (1 altyn, 2 kúmis, 1 qola) tústi.
Sofıa Berýltseva 68 keliden joǵary salmaqta qarsylas shaq keltirmedi.
Al Nurqanat Ájiqanov 75 kelige deıingi salmaqta kúmis júldeger atandy. Ol fınalda tartysty básekede túrkııalyq Enes Býlýtke ǵana jol berdi – 5:6.
Bul - Nurqanattyń Premer-lıga sanatyndaǵy týrnırdegi tórtinshi júldesi. 2022 jyly Baký Premer-lıgasynda top jardy. 2024 jyly 2 ret qola júldege ıe boldy.
Sondaı-aq Ásel Qanaı 61 kelige deıingi salmaqta kúmispen kúpteldi. Ol sońǵy básekede ǵana qytaılyq Gon Lıge ese jiberdi. Buǵan deıin osy maýsymda Ásel Rımde de ekinshi oryn alǵan edi.
Al Oljas Altynbek 67 kelige deıingi salmaqta úzdik úshtikke ilikti.
Osylaısha, Qazaqstan quramasy baıraqty básekege qatysqan 69 eldiń ishinen aldyńǵy tórttikke kirdi.
Jalpy esepte Túrkııa (2 altyn, 1 qola) kósh bastasa, Qytaı (2 altyn) ekinshi, Japonııa (1 altyn, 4 kúmis, 6 qola) úshinshi orynnan kórindi.
Eske sala keteıik, budan buryn qazaqstandyq karateshiniń Qytaıdaǵy Premer-lıganyń qola júldesin jeńip alǵanyn jazǵan bolatynbyz.
Sondaı-aq karateshi Sofıa Berýltseva Qytaıdaǵy Premer-lıga týrnırinde top jardy.
