Karateden Azııa chempıonaty: Qazaqstan komandasy úsh medal jeńip aldy
NUR-SULTAN. QazAqparat - Karateden Qazaqstan komandasy Azııa chempıonatynan úsh medal jeńip aldy dep habarlaıdy Olympic.kz.
55 kelide synǵa túsken Andreı Aqtaýov barlyq qarsylasynan basym túsip, Azııa chempıony atandy. Týrnır barysynda Aqtaýov Kambodja, Iran, Malaızııa jáne Saýd Arabııasy sportshylaryn jeńgen. 67 kelide el namysyn qorǵaǵan Dıdar Ámiráli fınalda japonııalyq Hıroto Shınoharaǵa ese jiberip, qurlyq dodasynyń kúmisine qol jetkizdi. Dıdar Bahreın, Saýd Arabııasy, Taıland jáne Iordanııa karateshilerin jarys jolynan shyǵarǵan bolatyn. 68 keliden joǵary salmaqta synǵa túsken Sofıa Berýltseva aqtyq synda ırandyq qarsylasyna jol berip, kúmis medaldi qanaǵat tutty. Ol sheshýshi kezdesýde 2:4 esebimen Hamedı Abasalıden utyldy.
«Bıylǵy Azııa chempıonatynyń
nátıjesi byltyrǵymen salystyrǵanda jaqsyraq. Óıtkeni,
bul lıtsenzııalyq birinshilik. Jarys nátıjesi olımpıadalyq reıtıng túzilgende
esepke alynady. Árıne, Darhan Asadilovtiń júldesiz qalǵany ókinishti. Biraq ol
reıtıngtegi birinshi ornyn saqtap qalady», - deıdi bas bapker Jastalap Sanaýov.
