Karateden álem chempıonatynda Móldir Jańbyrbaı tarıhı altynǵa qol jetkizdi

Majarstan astanasy Býdapeshte WKF karateden ótken álem chempıonatynda Qazaqstan quramasy tarıhı nátıjege qol jetkizdi, dep habarlaıdy Kazinform.

Sportty damytý dırektsııasynyń baspasóz qyzmetinen málim etkenindeı, Móldir Jańbyrbaı 50 kelige deıingi salmaqta úzdik shyqty.

Osylaısha, tarıhı kórsetkish tirkelip, Qazaqstan qorjynyna eresekter arasynda WKF karateden alǵashqy altyn medal tústi.

Sondaı-aq Qaısar Alpysbaı (60 kg) kúmis, Dıdar Ámiráli qola júldege ıe boldy.
Qola júldege talasqan Sofıa Berýltseva ıtalııalyq Klıo Ferrakýtımen teń tarqasty (4-4).

Qarsylas tek upaıdyń sapasy jaǵynan basym tústi.

Qazaqstan delegatsııasy jalpy esepte 1 altyn, 1 kúmis, 1 qola medaldiń arqasynda 5-oryn aldy.

Eske sala keteıik, budan buryn qazaqstandyq karateshiler Qaısar Alpysbaı men Móldir Jańbyrbaıdyń álem chempıonatynyń fınalyna shyqqanyn jazǵan edik.