Karateden ÁCh qorytyndysy: Qazaqstan qorjynynda bir medal
ASTANA. QazAqparat - Madrıdte ótip jatqan karateden álem chempıonatynda qazaqstandyq sportshy Darhan Asadilov qola medal ıelendi, dep habarlaıdy QazAqparat Olympic.kz saıtyna silteme jasap.
Qazaqstandyqtar eki salmaq sanatynda medaldar úshin synǵa tústi.
60 kelide óner kórsetetin Darhan Asadilov jartylaı fınalda japondyq sportshydan utylǵan bolatyn. Qola medal úshin kúreste Asadilov álemdik reıtıngte alǵashqy orynda turǵan latvııalyq Kalvık Kalnınsti 5:4 esebimen jeńdi.
Osylaısha, Qazaqstan quramasyna Álem chempıonatyndaǵy jalǵyz medalin saldy.
Al 84 kelidegi Danııar ıÝldashev qola medaldan qol sozym jerde toqtady. Ol álem chempıony, ırandyq Pýrshabtan utylyp qaldy.
Esterińizde bolsa, Berlınde ótken Premer-lıga kezeńinde ıÝldashev ırandyq karateshini jeńip ketken edi. Sol qatelikten sabaq alǵan Pýrshab bul joly bizdiń sportshyǵa múmkindik bermedi.
«Álem chempıonaty eshbir sportshyǵa ońaı soqpaıdy. Birinshiden, álemdik reıtıngte joǵary upaı jınaý úshin múmkin bolǵan halyqaralyq jarystar men Premer-lıga kezeńderiniń barlyǵyna qatysý qajet. Al álem birinshiligine kez kelgen sportshy qatysa alady. Demek, jyl sońyna deıin ábden sharshaǵan úzdikterdi jas karateshiler toqtata salýy múmkin.
Bul synda myqty degen karateshilerdiń ózi júldesiz qaldy. Álemniń bes dúrkin chempıony Agaevtyń ózi bul joly «qolaǵa» ǵana talasty. Bizdiń komandamyz úshin Asadilovtiń júldesi úlken jeńis», - deıdi karateden ulttyq quramanyń bas bapkeri Jastalap Sanaýov.
Ispanııanyń Madrıd qalasynda karateden 2018 jylǵy Álem chempıonaty 6-11 qarasha kúnderi aralyǵynda ótti. Oǵan álemniń 140 elinen sportshylar qatysty.
