Karateden ACh: Qazaqstan quramasy alǵash ret komandalyq esepte top jardy

ASTANA. KAZINFORM – Karateden (WKF) Qazaqstan quramasy Azııa chempıonatynda óz tarıhynda alǵash ret 4 altyn alyp, jalpy esepte birinshi orynǵa ıe boldy.

Sportty damytý dırektsııasynyń baspasóz qyzmetinen málim etkenindeı, qazaqstandyqtar 4 altyn, 1 kúmis, 5 qola medalǵa qol jetkizdi.

Eń sońǵy básekede Qazaqstan áıelder quramasy (Sofıa Berýltseva, Daııana Darenskaıa, Nıkol Tsengel jáne Nurııa Tizimbaı) kýmıteden komandalyq synda fınalda Vetnamǵa ese jiberip, kúmis júldeni qanaǵat tutty. 

Chempıondar:

Jolaman Bıǵabyl (-55 kg),

Nurqanat Ájiqanov (-75 kg),

Daııana Darenskaıa (-68 kg),

Sofıa Berýltseva (+68 kg.

Kúmis júlde:

Kýmıteden Qazaqstan áıelder quramasy.

Qola medal alǵandar: 

Móldir Jańbyrbaı (-50 kg),

Ásel Qanaı (-61 kg),

Danııar ıÝldashev (-84 kg),

Dıas Ulbek (+84 kg),

Kýmıteden Qazaqstan erler quramasy.

Jalpy esepte Japonııa (3 altyn, 5 kúmis, 4 qola) ekinshi orynǵa kóterilse, úzdik úshtikti 3 altynmen Vetnam túıindedi.

Bıyl karateden Qazaqstan ulttyq quramasynyń tizginin Tokıo Olımpıadasynyń qola júldegeri Darhan Asadilov ustaǵany belgili. 

Eske sala keteıik, budan buryn qazaqstandyq karateshilerdiń Azııa chempıonatynda 4 altyn alǵanyn jazǵan bolatynbyz.