Karate: Móldir Jańbyrbaı Tokıo Olımpıadasyna joldama enshiledi

QYZYLORDA. QazAqparat - Qyzylordalyq Móldir Jańbyrbaı karateden Tokıo Olımpıadasyna joldamany jeńip aldy, dep habarlaıdy QazAqparat tilshisi.

Búginde Frantsııa astanasy Parıj qalasynda karateden lıtsenzııalyq týrnır ótip jatyr. Týrnırde Móldir 55 keli salmaqta synǵa tústi. Álemdik irikteý jarysynda ol fınalǵa deıin jetti. Biraq, aqtyq synda qarsylasyna ese jiberip, kúmis júldeni qanaǵat tutty. Osylaısha Olımpıadaǵa beriletin joldamaǵa ıe boldy.

Aıta keterligi, bul - karateden el quramasy qorjynyna túsken ekinshi lıtsenzııa. Buǵan deıin Darhan Asadilov merziminen buryn Tokıo Olımpıadasyna baratyn sportshylar tizimine engen bolatyn.

Eske salsaq, atalǵan týrnırge elimizdiń atynan jeti sportshy attandy. Olardyń qatarynda qyzdardan Lııa Koshkarbaeva - (katadan tehnıkalyq jattyǵý), Móldir Jańbyrbaı (55 keli), Sabına Zaharova (61 keli), Sofıa Berýltseva (61 keliden joǵary), jigitterden Madı Kateshov (kata), Nurqanat Ájiqanov (75 keli) men Danııar ıÝldashev (75 keliden joǵary) bar.

Atalǵan jarysta álemniń 98 elinen barlyǵy 495 sportshy baq synaıdy.

Aıta keteıik, budan buryn jeńil atletıkadan el quramasy Olımpıadaǵa taǵy 3 joldama jeńip alǵan bolatyn.