Karate: Darhan Asadilov olımpıadalyq reıtıngte tórtinshi orynǵa taban tiredi
NUR-SULTAN. QazAqparat - Búkilálemdik karate federatsııasy sáýir aıyna arnalǵan olımpıadalyq reıtıngti jarııalady, dep habarlaıdy Olympic.kz.
Ereje boıynsha, reıtıngte 1-4 oryn aralyǵyna jaıǵasqan sportshylar 2020 jylǵy Olımpıada oıyndarynyń joldamasyna ıelik etedi.
1 sáýirdegi málimetke sáıkes, 67 kelige deıingi salmaqta (60 kelige deıingi sportshylar da osy salmaq dárejesin engen) Darhan Asadilov tórtinshi orynda tur. Darhan álemdik reıtıngte úshinshi orynda keledi.
Asylbek Muratov 28-shi (álemdik reıtıngte 15-shi oryn), Dıdar Ámiráli 41-shi (álemdik reıtıngte 12-shi oryn), Qaısar Alpysbaı 56-shy (álemdik reıtıngte 12-shi) orynda.
75 kelige deıingi salmaqta Ermek Aınazarova 16-shy, 74 keliden joǵary salmaqta Danııar ıÝldashev 14-shi, Igor Chehmarev 22-shi satyda.
55 kelige deıingi qyzdar arasynda Móldir Jańbyrbaı 44-shi, 61 kelige deıingi sportshylar arasynda Madına Ótelbaeva 42-shi orynǵa turaqtaǵan.
19-21 sáýir aralyǵynda Marokkonyń Rabat qalasynda ótetin álemdik Premer-Lıga serııasynda reıtıngke biraz ózgeris enbek. Atap aıtar bolsaq, osy týrnırden bastap reıtıngilik upaılardy esepteý jańa júıe boıynsha júzege asady.
