Karate: Darhan Asadilov maýsym aıynyń úzdik sportshysy atandy
NUR-SULTAN. QazAqparat - Ulttyq Olımpıada komıtetiniń resmı saıtynda «Maýsym aıynyń úzdik sportshysyna» daýys berý aıaqtaldy. Otandyq jankúıerler karateeshi Darhan Asadilovti maýsym úzdige dep tanydy.
Asadilovpen birge taǵy bes sportshy aıdyń úzdigi atanýǵa úmitti edi. Olar: sadaq atýdan Qazaqstan erler komandasy, Dmıtrıı Balandın, Mılad Karımı, Adılıa Tilekenova jáne Rýslan Kýrbanov. Bir aptaǵa sozylǵan daýys berý rásimi 7 shilde kúni 13:00-de aıaqtaldy. Daýys berý qorytyndysy boıynsha 40.42 paıyz jınaǵan Darhan Asadilov jeńimpaz atandy. Ekinshi orynda 18.70 paıyz daýys jınaǵan sadaqshylar komandasy. Úzdik úshtikti 15.30 paıyz daýyspen Dmıtrıı Balandın qorytyndylady.
Aıta ketelik, Darhan Asadilov olımpıadalyq reıtıngte birinshi orynǵa kóterildi.
