Karate: Darhan Asadilov Dýbaıdaǵy týrnırdiń fınalyna shyqty
ASTANA. QazAqparat - Birikken Arab Ámirlikteriniń astanasy Dýbaıda karateden Premer-lıga týrnıriniń bıylǵy maýsymdaǵy ekinshi kezeńi ótýde. Jarysqa álemniń 86 memleketinen 800 sportshy qatysýda, dep jazady Olympic.kz.
Qazaqstan komandasynyń múshesi Darhan Asadilov 60 kelide týrnırdiń fınalyna joldama aldy.
Qazaqstan quramasynyń úzdik sportshysy birinshi kezdesýinde týnıstik kareteshini 6:2 esebimen jeńdi. Grýzııalyq qarsylasymen ótken ekinshi aıqas 2:0 esebimen Darhannyń paıdasyna aıaqtaldy.
Al úshinshi jekpe-jekte Asadilov Parıjdegi Premer-lıga jeńimpazy, ırandyq Madjıdten 4:1 esebimen basym tústi.
Jartylaı fınalda Darhan álemdik reıtıngte ekinshi orynda turǵan túrkııalyq Samdan Eraıdy bir upaı aıyrmasymen jeńip, fınalǵa ótken bolatyn.
Barlyq salmaq dárejesi boıynsha fınaldyq básekeler jeksenbi kúni ótedi.
