Karate boıynsha AQSh-taǵy jarystan 14 júlde alǵan qazaq balalary marapattaldy (FOTO)
ASTANA. QazAqparat - Búgin Mádenıet jáne sport mınıstrliginiń Dene shynyqtyrý jáne sport isteri komıteti AQSh-tyń Las-Vegas qalasynda karate boıynsha qatarynan 3 halyqaralyq týrnırge qatysyp, 14 medal ıelengen qazaqstandyq balalardy quttyqtady.
Úsh halyqaralyq jarys, «Junior Chempionship», «USA Open 2016» jáne «Ozawa Cup 2016» týrnırlerine qatysqan Qazaqstannyń jas karateshileri 3 altyn, 6 kúmis, 5 qola medal jeńip aldy.
«Balalar bolsa da, bizdiń elimizdiń Týyn kóterip, shet elde Qazaqstandy tanytyp jatyr. Mine, bolashaq Olımpıada chempıondary - osy balalar»,-dedi sportshylardy quttyqtaǵan Sport jáne dene shynyqtyrý isteri komıtetiniń tóraǵasy Elsııar Qanaǵatov.
Sonymen, jeńimpazdardy atar bolsa, «Junior Chempionship 2016» týrnırinde 10-11 jas aralyǵynda jeke kýmıte boıynsha Kan Danıl 1-oryn, osy jas ereksheligi boıynsha Álkeı Ahmetjanov 2-oryn, Álisher Qabdýllaev 2-oryn, Serjan Jańbyrshın 3-oryn ıelengen.
«USA Open 2016» týrnıry boıynsha Qýanysh Qaısar, Serjan Jańbyrshın, Kan Danıl komandalyq esepte 2-oryn, Álkeı Ahmetjanov 3-oryn, Kan Danıo 3-oryn ıelendi. Al, «Ozawa Cup 2016» jarysynda Qaısar Qýanysh 3-oryn, Serjan Jańbyrshn 1-shi oryn, Álkeı Ahmetjanov 1-shi oryn, Kan Danıl 3-oryn ıelendi. 
