Qarataýda kúshti jel turǵyn úıdiń shatyryn ushyryp áketti

Jambyl oblysynda sekýndyna 22 metrge deıin jel turyp, birqatar nysandar zaqymdaldy, dep habarlaıdy Kazinform.

Atap aıtqanda, 26 qazan kúni saǵat 09.45 -te Talas aýdany Qarataý qalasy 3 shaǵyn aýdany bes qabatty №37 turǵyn úıdiń 300 sharshy metr aýmaqty qamtıtyn shatyry ushqan.

Jambyl oblystyq tótenshe jaǵdaılar departamenti baspasóz qyzmetiniń bergen málimetterine súıensek, qaza tapqandar men zardap shekkender tirkelmegen. TJD kúshteri men quraldary jumyldyrylǵan joq. Jergilikti jerde jergilikti atqarýshy organ komıssııasy jumys atqarýda.

Sondaı-aq, Taraz qalasy Sýhambaev kóshesi №38 úıde saǵat 13.14-te turǵyn úıdiń tóbesine aǵash qulady. Nátıjesinde 2 sharshy metr shatyr zaqymdaldy. Qulaǵan tal jedel-qutqarý jasaǵynyń jáne órt sóndirý qyzmetiniń kúshterimen, 5 qyzmetker jáne 2 tehnıkanyń kúshimen tazalanýda.

Buǵan deıin Taraz mektebinde órt shyǵyp, 5 adam zardap shekkenin jazǵan bolatynbyz.