«Qarataý» AAQ-nyń burynǵy qyzmetkerlerine ótemaqy tólenetin boldy

ASTANA. KAZINFORM — QR Eńbek jáne halyqty áleýmettik qorǵaý mınıstrligi zańnamada belgilengen tártippen, sondaı-aq sot organdarynyń sheshimderi negizinde «Qarataý» AAQ burynǵy qyzmetkerleriniń ómiri men densaýlyǵyna keltirilgen zııandy óteý úshin respýblıkalyq bıýdjet qarajaty esebinen tıisti tólemderdi júzege asyrady. Bul týraly vedomstvonyń baspasóz qyzmeti málim etti.

— Aǵymdaǵy jyldyń 19 tamyzyndaǵy jaǵdaı boıynsha «Qarataý» AAQ burynǵy qyzmetkerleriniń kópshiligi respýblıkalyq bıýdjetten tólemder aldy. «Qarataý» AAQ-nyń burynǵy qyzmetkerleri sot sheshimderi boıynsha tólenetin tólemderdi alý úshin rastaıtyn qujattardy tapsyryp, QR Eńbek jáne halyqty áleýmettik qorǵaý mınıstrligine tıisti ótinish berýi qajet, — delingen habarlamada.