Karatancheva Voskoboevanyń izin ala «Ýımbldon» biliktilik kezeńiniń fınalyna ótti
ASTANA. 20 maýsym. QazAqparat - Qazaqstandyq sportshy Sesıl Karatancheva «Ýımbldon» biliktilik kezeńiniń fınalyna joldama aldy.
Bul týraly Vesti.kz . jazyp otyr.
Ekinshi aınalymda 23 jastaǵy Karatancheva 6:4, 6:1 esebimen brıtandyq Djeıd Vındlıdi oısyra jeńdi. Atap ótken jón, Karatancheva álemniń 128-shi raketkasy sanalsa, 23 jastaǵy brıtandyq tennısshi tizimniń 389 satysynda ornalasýda. Buǵan deıin sportshylar ózara sheberlikterin synamaǵan.
Buǵan deıin biliktiliktiń aqtyq kezeńine elimizdiń ózge tennısshisi - Galına Voskoboeva ótken bolatyn.
Eske sala keteıik, «Ýımbldon» - eń kóne jáne bedeldi tennıstik jarys retinde sanalady. «Úlken shlemniń» tórt týrnıriniń biri jylda maýsym aıynyń aıaǵy men shildeniń basynda Ýımbldonda uıymdastyrylady. Báseke eki aptaǵa sozylady.
