«Qarasý» shekara beketinde 90 mln teńgeniń qujatsyz elektrondy temekisi anyqtaldy

ASTANA. QazAqparat – Jambyl oblysyndaǵy «Qarasý» shekara beketinen 90 mln derlik teńgeniń elektrondy temekisin alyp ótpek bolǵan sheteldik ustaldy, dep habarlaıdy QazAqparat QR UQK baspasóz qyzmetine silteme jasap.

«27 aqpanda UQK Shekara qyzmeti Jambyl oblysynyń «Qarasý» avtokóliktik ótkizý pýnktinde baqylaý júrgizý barysynda ilespe qujatsyz 90 mln teńgege jýyq somaǵa elektrondy shylymnyń iri partııasyn ótkizbek bolǵan sheteldik azamat ustaldy. Ol ári qaraı tekserý úshin QR Qarjy mınıstrligi Memlekettik kirister komıtetiniń aýmaqtyq bólimshelerine berildi», - delingen resmı málimdemede.