«Qarasý» kompanııasynyń áleýmettik jobalary 1,5 mlrd. teńgeden asty - Almat Tursynov
QOSTANAI. QazAqparat - Sońǵy jyldary Qostanaı oblysynda «Qarasý» SÓK» JShS áleýmettik jobalarǵa 1,5 mlrd. teńgeden astam qarjy bóldi. Bul kompanııany búginde óńirde eń iri aýyl sharýashylyǵy óndiristerin qurǵan Almat Tursynov basqaryp otyr.
Kompanııanyń kúshimen Qarasý ózeniniń arnasy tazartylyp, batpaqtanýdan qutqaryldy. Sonymen qatar «Qarasý» JShS qarjysyna aýdan ortalyǵynda jasyl beldeý jańǵyrtyldy. Atap aıtqanda, jyl saıyn osynda jergilikti klımattyq jaǵdaıǵa beıimdelgen aǵash túrleri otyrǵyzylady.
Jeke kompanııanyń qarjylandyrýymen 50 turǵyn úı, 40-tan astam páter, balalar-jasóspirimder sport mektebi salyndy jáne qaıta jańǵyrtyldy. Kásiporyn basshysy Almat Tursynov kompanııa barsha Qarasý aýdany ekonomıkasynda lokomotıv retinde qyzmet etýine maqsatty túrde talpynýda. Sondyqtan da kompanııa jańa tehnologııalardy ornatyp, bızneste qazirgi zamanǵy modelderdi engizýde, sondaı-aq ınnovatsııalyq ǵylymı zerttemelerdi belsendi paıdalanýda.
«Bizdiń kompanııa et klasteri ıdeıasyn 100 paıyzǵa júzege asyrdy. Biz barsha óndiristik tizbekti qadaǵalap otyrmyz, ıaǵnı maldy ósirýden bastap, delıkates etti meıramhanalarǵa jetkizýge deıingi sharalar qamtylýda. Sonymen birge mal sharýashylyǵynyń qaldyqtary bıogazǵa óndirýdemiz. Shirindi kóńnen bıootyndy óndirý keshenin biz erterekte salǵan edik, degenmen barlyǵyn retke keltirgenshe birneshe jyl ýaqyt ótti. Endi osy qondyrǵyny «EXPO -2017» kórmesinde tanystyrýǵa daıynbyz»,-dedi A. Tursynov.
Búginde «Qarasý» SÓK 350 myń gektardan astam egistik jerlerdi óńdeýde. Sońǵy býyndy agrotehnologııalardyń arqasynda kompanııa jyl saıyn bıdaıdyń joǵary shyǵymdylyǵyn qamtamasyz etip otyr. Egistik jerge kútimmen qaraýdyń arqasynda qarasýlyq agrarıler topyraq quramynyń qunarsyzdanýy men tozýy úderisin toqtatýǵa qaýqarly boldy.
A. Tursynov qazirgi kezde birinshi kezektegi maqsattardyń ishinde qurylysy aıaqtalyp, iske qosylǵan óndiristerdi nyǵaıtýǵa erekshe nazar aýdarýda.
«Et klasteri, bıdaı, eksportqa jumys isteý baǵytynda aýqymdy sharalar qamtylyp otyr. Osy rette jańa logıstıkalyq baǵyttardy ashatyn bolamyz. Taýarlarymyzdy oıynshyq etip, olardy tutynýshylar úshin qymbatqa saýdalap otyrǵan deldaldarmen kúresý kerek. Bizdiń maqsat saýatty marketıng pen tıimdi menedjment arqyly óndirýshiler esebinen paıda taýyp otyrǵandardy naryqtan yǵystyryp shyǵarýǵa negizdelgen. Eń bastysy memlekettiń qoldaýyn sezinip otyrmyz. Búginde memleket barlyq mańyzdy máseleler boıynsha aýyl sharýashylyǵy taýarlaryn óndirýshilermen keńesýde. Bul baǵyttaǵy qadamdar durys dep oılaımyn, sebebi jumystyń osyndaı iskerlik rejimde joǵary nátıjeler kórsetýge múmkindik bar»,-deıdi kompanııa basshysy.
«Qarasý» kompanııasy toby tehnologııalyq ózara baılanysqan birneshe kásiporyndy biriktirip otyr. Onyń quramynda 3 iri mal sharýashylyqtary, 9 - astyq kásiporny, 2 - joǵary sapaly undy óndiretin kásiporyn, sondaı-aq et óńdeıtin kásiporyn jumys isteýde.
Eki elevator men damyǵan astyq qabyldaıtyn kásiporyndar jelisi baǵanyń aýytqýlaryna táýeldilikti tómendetýge, astyqtyń sapasy men ony saqtaýdaǵy táýekelderdi barynsha azaıtýǵa múmkindik berip otyr.
Kompanııanyń árbir qatysýshysy qýatty óndiristik bazaǵa jáne aýyl sharýashylyǵyndaǵy jańa jabdyqtarǵa ıe. Ondaǵy úsh mal sharýashylyqtary asyl tuqymdy mal túrleriniń respýblıkalyq palatalarynda tirkelgen. «Qarasýdyń» mashınalar parki men aýyl sharýashylyǵy tehnıkasynyń mehanızmderi jalpy 1 myń danaǵa jetip otyr. Kompanııada 3 myńnan astam joǵary bilikti mamandar eńbek etýde.
