Qarasý kóliniń tabanyn tazartý jumysy qashan aıaqtalady
ALMATY. QazAqparat – Almatydaǵy Qarasý kóliniń tabanyn tazartý jumystary qyrkúıek aıynda aıaqtalady. Bul týraly qala ákimi Erbolat Dosaev Alataý aýdany turǵyndarymen kezdesýde aıtty, dep habarlaıdy QazAqparat tilshisi.
«Qarasý» kólin mehanıkalyq tazartý jumystary jalǵasyp jatyr. 40 metr sý aǵyzý qurylymnyń qurylysy qolǵa alyndy. Búginde 5 myń tekshe metr tunba shógindileri shyǵaryldy. Jumystar qyrkúıek aıynyń sońynda bitedi», - dedi Almaty ákimi.
Sondaı-aq, Erbolat Dosaev Alataý aýdanynda qatty jaýyn-shashyn kezinde sý basatyn 18 ýchaske anyqtalǵanyn atap ótti.
«Qazir tótenshe jaǵdaı jelisi boıynsha onyń 10-y joıyldy. Qalanyń batys bóliginde jalpy uzyndyǵy 49 km bolatyn 59 kóshe boıynsha aryq jelisi men nóser kanalızatsııasyn salý jáne rekonstrýktsııalaý jobasyn iske asyrý aıasynda qalǵan 8 sý basý aýmaǵy jyl sońyna deıin joıylady», - dedi ol.
