Qarasora - semizdik jáne sýsamyr aýrýlaryna qarsy preparat jasaýǵa taptyrmas shıkizat
ASTANA. 10 shilde. QazAqparat - Ulybrıtanııalyq GW Pharmaceuticals kompanııasy mamandarynyń janýarlarǵa júrgizgen synaǵy nátıjesinde qarasoranyń semizdik jáne sýsamyr aýrýlaryna qarsy preparat jasaýǵa taptyrmas shıkizat ekendigi rastaldy.
Mamandar qarasora quramynan tetragıdrokannabıvarın jáne kannabıdıol qosyndylaryn anyqtady. Bul zattar adam aǵzasy shyǵyndaıtyn qýatty arttyryp, birshama ýaqytqa tábetti ashady. Sonymen birge olardyń áserinen aǵzadaǵy maı deńgeıi men onyń ınsýlınge baılanysty ózgerisi retteledi. Janýarlarǵa qatysty júrgizilgen synaq qarasora quramyndaǵy qosyndylardyń sýsamyrmen aýyratyn aǵzany jaqsartatynyn kórsetti. Olar qan quramyndaǵy holesterın men baýyr sııaqty ishki organdardaǵy maı deńgeıin azaıtqan, gormon bólýshi jasýshalar jaqsy qorǵalǵan. Qazir bul zattardyń 200 naýqasqa áseri zerttelip jatyr. Synaq oń nátıje berse, metabolızm sındromynan qorǵaıtyn dári-dármek jasalmaq, dep jazady «Alash aınasy» gazeti.
