Qarasora ósirgen 28 jastaǵy qapshaǵaılyq sottaldy
TALDYQORǴAN. QazAqparat - Almaty oblysynda qarasora ósirip, saqtaǵan 28 jastaǵy Qapshaǵaı turǵyny 3 jylǵa bas bostandyǵynan aıyryldy, dep habarlaıdy QazAqparat tilshisi.
Іs materıalyna sáıkes, tergeý jumystary QR QK 296-baby, 4-bóligine sáıkes asa iri kólemde esirtki zattaryn zańsyz saqtaý deregi boıynsha júrgizilgen. Kúdiktini tártip saqshylary 2017 jyldyń kúzinde «Qapshaǵaı-Qazaqstan aýyly» tas jolynyń 40-shy shaqyrymynda «Shoshqaly saı» shatqalynda qolǵa túsirgen. Ustaý barysynda kúdiktiniń qolynda qarasora esirtkisi salynǵan qara polıetılen dorbasy bolǵan. Esirtki zattyń salmaǵy 6 kg 640 gramm. Qapshaǵaı qalasynyń soty kúdiktini kináli dep taýyp, 3 jylǵa bas bostandyǵynan aıyrdy.
Almaty oblystyq ІІD 2018 jyldyń ózinde zańsyz aınalymda bolǵan 292 kg ártúrli esirtki zatyn tárkilegen. Onyń 2 kg geroın.
