Qarasora: Elordada bes aıda 130 kelige jýyq túrli esirtki tárkilendi

ASTANA. QazAqparat – Elordanyń esirtki qylmysyna qarsy is-qımyl basqarmasynyń bólim bastyǵy Sergeı Ilınyh 1 maýsym men 31 qazan aralyǵynda ótkizilgen «Qarasora – 2022» jedel aldyn alý sharasynyń nátıjesin baıandady, dep habarlaıdy QazAqparat tilshisi.

«Bul sharalar esirtki, psıhoaktıvti zattar men sıntetıkalyq esirtki ótkizý jáne saqtaý faktilerin anyqtaýǵa, sondaı-aq esirtki taratýǵa mamandanǵan uıymdasqan qylmystyq toptardyń zańsyz ósirý, tranzıtteý faktileriniń jolyn kesýge, jasyryn esirtki zerthanalaryn anyqtaýǵa baǵyttalǵan», - dedi Sergeı Ilınov Esil aýdandyq polıtsııa basqarmasynda ótken brıfıngte.

Onyń aıtýynsha, maqsatty is-sharalardy ótkizý úshin ishki ister organdary qyzmetkerlerinen jedel toptar qurylǵan.

«Qarasora-2022» jedel aldyn alý sharasy kezinde elordada esirtkige qatysty 358 quqyqbuzýshylyq tirkeldi. 130 kelige jýyq túrli esirtki, onyń ishinde 54 keli marıhýana, 61 keli gashısh jáne 14 kelige jýyq sıntetıkalyq esirtki zańsyz aınalymnan shyǵaryldy», - dedi spıker.