«Qarasora»: 6 tonnaǵa jýyq túrli esirtki zańsyz aınalymnan shyǵaryldy

ASTANA. QazAqparat – QR ІІM esirtki qylmysyna qarsy is-qımyl departamentiniń erekshe tapsyrmalar jónindegi aǵa ınspektory Serik Sultanov nashaqorlyq pen esirtki qylmysyna qarsy kúres boıynsha «Qarasora» jedel-aldyn alý sharasynyń aralyq qorytyndysyn baıandady, dep habarlaıdy QazAqparat tilshisi.

«Jyl saıyn maýsym aıynan qazanǵa deıin, jabaıy qarasoranyń ósýi men pisýi kezeńinde «Qarasora» jedel-profılaktıkalyq sharasy ótkiziledi. Ótken aıda polıtseıler 315 qylmysty anyqtady, onyń ishinde 121 ótkizý faktisi, esirtkini zańsyz saqtaýdyń 49 faktisi, quramynda esirtki bar ósimdikterdi ósirýdiń 114 faktisi bar», - dedi S. Sultanov aptalyq brıfıngte.

Atap aıtqanda, zańsyz aınalymnan 6 tonnaǵa jýyq túrli esirtki, onyń ishinde 900 keli marıhýana, 63 keli gashısh, 12 keli sıntetıka jáne 700 gramnan astam geroın tárkilendi. Jambyl, Qyzylorda jáne Túrkistan oblystarynda qarasoranyń 12 plantatsııasy joıyldy.

«Quramynda esirtkisi bar ósimdikterdi zańsyz ósirý boıynsha 114 qylmystyq is, asa iri mólsherde esirtki ótkizý boıynsha 64 qylmystyq is qozǵaldy, 154 kúdikti ustaldy», - dedi Serik Sultanov.