«Qarasora-2025»: Qyzylordada esirtki ósirgen 47 adam ustaldy
QYZYLORDA. KAZINFORM — Qyzylorda oblysynda «Qarasora-2025» jedel profılaktıkalyq is-sharasy qorytyndylandy. Іs-shara 1 maýsymnan 31 qazanǵa deıin jalǵasty.
Oblystyq polıtsııa departamentiniń málimetine súıensek, osy aralyqta 166 quqyqbuzýshylyq anyqtalsa, onyń basym bóligi — dalalyq jer men úı aýlasynda esirtki ósirý derekteri.
— Zańsyz aınalymnan 1,5 tonnadan astam esirtki alyndy. Esirtki ósirýmen aınalysqan 47 adam quryqtalyp, onyń 24-i qamaqqa alyndy. Jalpy 10 myń 345 túp sora ósimdigi anyqtaldy. Qyrkúıek, qazan aılaryna deıin pisip-jetilgende ár túpten shamamen 500 gramnan eseptegende 5 tonnaǵa jýyq marıhýana zańsyz aınalymǵa túsýi múmkin edi. Biz bul qaýiptiń aldyn aldyq. Osylaısha myńdaǵan azamattyń densaýlyǵyn, qanshama otbasynyń taǵdyryn qorǵadyq, — dedi departament bastyǵynyń birinshi orynbasary Serik Toqtybaev.
Іs-sharany uıymdastyrýǵa 100-ge jýyq qyzmetker, 7 qyzmettik izdestirý ıti, 28 avtokólik, Ulttyq ulannyń áskerı tikushaǵy jumyldyrylyp, 6 jyljymaly mobıldi beket qoıyldy.
Buǵan deıin Oralda esirtki zattaryn zańsyz ótkizýmen aınalysqan eki turǵyn 7 jylǵa sottaldy.