Qarasora-2025: 3 aıda 2 tonna marıhýana, 47 keli gashısh tárkilengen
ASTANA. KAZINFORM – Іshki ister mınıstrligi Esirtki qylmysyna qarsy is-qımyl komıteti tóraǵasynyń orynbasary Qýandyq Áljanov «Uarasora-2025» keń aýqymdy operatsııasynyń 3 aıdaǵy nátıjesin aıtty.
Ortalyq kommýnıkatsııalar qyzmetinde ótip jatqan baspasóz máslıhatynda Qýandyq Áljanov úsh aıda esirtki saýdasymen baılanysty 677 qyrmys tirkelgenin aıtady.
Sonyń arqasynda esirtki satýdyń 242 faktisi qarasora ósirýdiń 220 deregi anyqtalyp, 6 tonna esirtki zaty, 2 tonna marıhýana, 47 keli gashısh, 3 tonna qarasora óskini, 155 kg sıntetıkalyq esirtki, 8,5 tonna prekýrsor tárkilengen. Quramynda esirtkisi bar ósimdikterdiń 27 myńnan astam butasy joıylǵan.
- Osy qlymystarǵa qatysy bar degen kúdikpen 1 082 adam ustalyp, 283-i ýaqytsha ustaý ızolıatoryna qamaldy. 9 esirtki zerthanasy joıylyp, 3 uıymdasqan qylmystyq toptyń áreketi toqtatyldy.
Operatsııa barysynda basty nazar eldiń ońtústik óńirlerine aýdarylady, óıtkeni dál osy aımaqtarda quramynda esirtkisi bar ósimdikterdiń tabıǵı taralý jáne ósirý bazasy ornalasqan.
– Jambyl oblysynda jabaıy qarasoranyń jalpy taralý alańy 7 aýdannyń aýmaǵynda 63 myń gektardan asady, - deıdi Qýandyq Áljanov.
Sondaı-aq, ol Shý óńirinde 18 jyldan beri jumys «Delta-Dolına» óńiraralyq bólimi istep kele jatqanyn eske saldy.
Buǵan deıin Aýyl sharýashylyǵy mınıstri Aıdarbek Saparov Qazaqstan qarasoradan qaǵaz jasaıtyn jobany zerdelep jatqanyn málim etken bolatyn.