Qarasora-2022: Bes aıda 1275 esirtki qylmysy tirkeldi

ASTANA. QazAqparat – «Qarasora-2022» operatsııasy kezinde 9,7 tonna esirtki tárkilendi. Bul týraly Іshki ister mınıstrligi Esirtki qylmysyna qarsy is-qımyl departamentiniń basqarma basshysy Baqytjan Ámirhanov aıtty, dep habarlaıdy QazAqparat tilshisi.

«Bıylǵy 1 maýsym men 30 qazan aralaǵynda «Qarasora-2022» jedel-profılaktıkalyq is-sharasy ótti. Operatsııa kezeńinde respýblıka boıynsha 1275 qylmys tirkeldi. Onyń ishinde esirtki satýdyń 667 (454) qylmysy, 178 zańsyz saqtaý jáne esirtki ósirýdiń 245 deregi anyqtaldy», - dedi Baqytjan Ámirhanov.

Osy oraıda ol polıtsııa qyzmetkerleri 9,7 tonna esirtkini, onyń ishinde 2,3 tonna marıhýana, 200 kelige jýyq gashısh, 113 keli sıntetıkalyq esirtki, 7 tonnaǵa jýyq qarasora tárkilegenin aıtty.

Basqarma basshysynyń aıtýynsha, bıyl tamyz jáne qyrkúıek aılarynda Іshki ester mınıstrligi jáne Ulttyq qaýipsizdiń komıteti qyzmetkerleri Qyzylorda jáne Túrkistan oblystarynyń aýmaǵynda tikushaqtarmen áýeden barlaý jumystaryn júrgizdi. Osy oraıda áýe kóligimen marıhýana saqtaýdyń 2 faktisi, esirtki daqyldaryn egýdiń 19 faktisi (jalpy salmaǵy 5,5 tonna qarasora joıyldy) anyqtaldy.

Sonymen qatar ol Jambyl oblysyndaǵy jabaıy ósetin qarasora alqaby 148 myń gektardan asatynyn aıtty.

Budan buryn habarlanǵandaı, jyl basynan beri 2,5 myńǵa jýyq esirtki qylmysy anyqtaldy.