«Qarashyǵanaqtyń» qubyrlary kestege saı aýystyrylady - Q.Bozymbaev

ASTANA. QazAqparat - «Qarashyǵanaq» ken ornynda óndiristik nysandardy iske qosý jáne ken ornyndaǵy munaı-gaz qubyrlaryn aýystyrý jumysy kestege saı júrgizilip jatyr. Bul týraly energetıka mınıstri Qanat Bozymbaev málim etti.

«Qarashyǵanaq» ken ornynda óndiristik nysandardy iske qosý jáne ken ornyndaǵy munaı-gaz qubyrlaryn aýystyrý jumysy kestege saı iske asyp keledi. Ruqsat berý qujattarynyń barlyǵy tekserilip jatyr. «Qarashyǵanaq» ken orny 2016 jyldyń sońynda iske qosylady dep josparlanǵan. Jospar buzylatyndaı kedergiler ázirge paıda bolǵan emes»,-dedi Q.Bozymbaev.

Bul rette, Qazaqstannyń energetıka mınıstri álemdik daǵdarys týdyrǵan qıyndyqtarǵa toqtaldy.

«Álemdegi daǵdarystyń saldarynan biraz elderdiń ekonomıkasy qıyndyqqa tap boldy. Energııa resýrstaryna degen suranys azaıyp, óndiristerdiń qýattylyǵy tómendedi. Degenmen, Qazaqstanda dál munaı gaz salasynyń óndiristik qýaty azaıǵan joq»,-dedi Q.Bozymbaev óz sózinde.