Qarashyǵanaqty damytý tujyrymdamasy ońtaılandyrýdy qajet etedi - mınıstr

ASTANA. QazAqparat - Qarashyǵanaq ken ornyn odan ári damytý jónindegi tujyrymdama ońtaılandyrýdy qajet etedi. Búgin janar-jaǵarmaı kesheni men ekologııa jónindegi qoǵamdyq keńestiń esep berý kezdesýinde Energetıka mınıstri Qanat Bozymbaev osylaı dedi.

«2015 jyly Qarashyǵanaqtan 11,9 mln tonna munaı óndirildi. Bul 2015 jylǵy jospardyń 95 paıyzyn quraıdy. Shyǵarylǵan gaz kólemi - 18,2 mlrd tekshemetrdi qurady, bul jospardyń 105 paıyzy. Munaıdy turaqty túrde óndiretin kezeńdi uzartý úshin Qarashyǵanaqty damytý tujyrymdamasy qarastyrylyp otyr. Merdigerlermen birge osy tujyrymdamany ońtaılanldyrý máselesi qaralýda. Basty maqsat - eldiń tabysyn arttyrý», - degen Q.Bozymbaev qazir kún tártibindegi mańyzdy másele - shyǵyndardy azaıtý ekenin atap ótti.

«Shyǵyndy azaıtyp, alatyn ónim kólemin arttyrsaq, respýblıka úshin durysy sol bolmaq. Sondyqtan, shyǵyndardy ońtaılandyryp, barynsha kóp ónim alý - bizdiń mindet. Qarashyǵanaqty keńeıtý jónindegi naqty sheshim 2017 jylǵa josparlanyp otyr. Jańa nysandar 2022 jyly paıdalanýǵa beriledi», - dedi Q.Bozymbaev.