Qarashyǵanaqta munaı men gaz kondensatyn óndirý kólemi qysqardy

ASTANA. QazAqparat - Qarashyǵanaqta munaı men gaz kondensatyn óndirý kólemi qysqardy. Bul týraly Energetıka mınıstrliginen málim etti, dep habarlaıdy QazAqparat tilshisi.

«Osy jylǵy 11-15 qyrkúıek aralyǵynda Qarashyǵanaq ken ornynda №3 gazdy keshendi daıyndaý qondyrǵysy josparly-eskertý jumystaryna baılanysty tolyqtaı toqtatyldy. №3 gazdy keshendi daıyndaý qondyrǵysyn tolyqtaı toqtatý Orynbor gaz óńdeý zaýyty 3-kezeńiniń jóndeýge toqtatylýymen jáne gazdy múldem qabyldamaýymen qıyndastyryldy. 11 qyrkúıekte munaı óndirý 3,3 myń tonnany qurady. 10 qyrkúıekpen salystyrǵanda 27 myń tonnaǵa kemidi», - dep atap ótti Energetıka mınıstrliginen.