Qarashyǵanaq jyl saıyn BQO-ǵa qansha qarjy bóledi
Bul týraly búgin Ortalyq kommýnıkatsııalar qyzmetindegi brıfıngte Batys Qazaqstan oblysynyń ákimi Altaı Kólginov aıtty, dep habarlaıdy QazAqparat.
«Qarashyǵanaq» kompanııasynyń tek bizdiń oblystyń ǵana emes, búkil respýblıkamyzdyń ekonomıkasyna úlken septigin tıgizip otyr. Ol úlken konsortsıým. Onda iri transulttyq korporatsııalar jumys isteýde. Bul Elbasy jasaǵan ınvestıtsııalyq ahýaldyń qolaılyǵyn kórsetedi. «Qarashyǵanaq» kompanııasy respýblıkanyń 45 paıyz gazyn óńdeıdi jáne suıyq otynnyń 16 paıyzyn qamtamasyz etedi», - dedi Altaı Kólginov.
Onyń dereginshe, búginge oblystyń 4 myń azamaty atalǵan kompanııada jumys isteýde. Jalpy, «Qarashyǵanaq» tóńireginde jumys isteıtin adamdardyń sany 20 myńnan asyp jyǵylady.
«Bizde «Ónimdi bólý týraly shart» dep atalatyn birlesken kelisim bar. Soǵan sáıkes jyl saıyn óńirdiń ekonomıkasyna 20 mln AQSh dollaryn berip otyrady. Ol qarajatqa biz joldardy jóndeýdemiz, mádenıet, sport, áleýmettik nysandardy salýdamyz. Atalǵan kelisim qabyldanǵan 20 jyldyń ishinde 300 mln dollardan astam qarajat tek BQO óńirine áleýmettik nysandar, ınfraqurylymdar salýǵa jumsaldy»,- dedi oblys basshysy.
