Qarashyǵanaq jobasyn keńeıtý kózdelip otyr - Saýat Myńbaev
ASTANA. 2 qazan. QazAqparat - 2013 jyly qańtar-maýsym aılarynda Qashaǵan jobasy boıynsha kommertsııalyq ónim óndirý jumysy bastalady.
Bul týraly búgin Astanadaǵy Táýelsizdik saraıynda bastalǵan KAZENERGY VII Eýrazııalyq forýmynda QR Munaı jáne gaz mınıstri Saýat Myńbaev málim etti.
«Al jobanyń ekinshi kezeńi boıynsha ózgerister bolady. Osyǵan baılanysty mınıstrlik konsortsıýmnyń tıisti usynystaryn kútip otyr. Jalpy daıyndyq jumystary júrgizilip jatyr», - dep atap kórsetti S.Myńbaev. Al Qarashyǵanaq jobasy bolashaqta keńeıtiletin bolady. Mınıstrdiń sózine qaraǵanda, ol boıynsha Reseımen tıisti kelissózder júrgizilýde. «Sebebi shıki gazdyń basym bóligi Orynbor gaz óńdeý zaýytyna jetkiziledi. Al shıkizattyń qalǵan bóligi Qazaqstan jerinde salynatyn jańa zaýytta óńdelmek», - deıdi S.Myńbaev.
