Qarashyǵanaq jobasy boıynsha Úkimet kelissózder júrgizip jatyr
ASTANA. Shildeniń 27-si. QazAqparat /Rýslan Ǵabbasov/ - Qarashyǵanaq jobasy boıynsha Úkimet kelissózder júrgizip jatyr. Bul týraly búgin Úkimet úıinde ótip jatqan baspasóz máslıhatynda Premer-Mınıstr Kárim Másimov málim etti.
«Úkimet Qarashyǵanaq jobasyna kirý kelissózderin qashan aıaqtaıdy?» dep qoıylǵan saýalǵa Úkimet basshysy: «Qarashyǵanaq boıynsha Úkimet Munaı jáne gaz mınıstrligi arqyly kelissózder júrgizýde. Nátıjelerge qol jetkizilgennen keıin osy másele boıynsha aqparat taratylady», - dedi K.Másimov.
Sonymen qatar, Premer-Mınıstr munaı ónimderine eksporttyq kedendik baj salyǵy boıynsha sheshim qabyldanyp, tıisti qaýlyǵa qol qoıylǵanyn aıta kele: «Eksporttyq baj salyǵy kóleminiń ósi nemese tómendeýi energııalyq resýrstardyń qunyna baılanysty. Eger onyń baǵasy kóterilse, baj salyǵy da joǵarylaıdy», - dep atap ótti Premer-Mınıstr.
