«Qarashyǵanaq Petrolıým Opereıtıng» Halyqaralyq konsortsıýmynyń bas dırektory taǵaıyndaldy

ASTANA. 2 sáýir. QazAqparat - Damıano Rattı «Qarashyǵanaq Petrolıým Opereıtıng B.V.» Halyqaralyq konsortsıýmynyń bas dırektory qyzmetine taǵaıyndaldy, dep habarlady kompanııanyń baspasóz qyzmetinen.

Ol bul laýazymda Djýzeppe Pazıdi almastyrdy.

Sondaı-aq Lýka Vınıatı óndiris boıynsha dırektor jáne bas dırektordyń orynbasary retinde qyzmetke kiristi.

Damıano Rattı 2006 jyly «BıDjı Grýpp» mekemesinde óndiris boıynsha atqarýshy dırektor bolyp qyzmetin bastady. Ol osy qyzmetke taǵaıyndalmas buryn  «BıDjı Italııa» basqarmasynyń tóraǵasy jáne bas atqarýshy prezıdent qyzmetin atqarǵan.

Damıano Rattı «BıDjı Grýpp» kompanııasynan buryn Nıderlandyda, Frantsııa men Italııada «Shell» kompanııasynyń qurylymynda basshy qyzmetter atqarǵan.

Lýka Vınıatı tehnıka, basqarý salasynda joǵary deńgeıdegi jetekshi qyzmette úlken tájirıbege ıe. Ol Norvegııada, Týnıs pen Ulybrıtanııada jáne Túrikmenstanda halyqaralyq jobalarda eńbek etken.

Ol osy qyzmetke taǵaıyndalmas buryn «Adjıba-Egıpet» qurylymynyń basqarýshy dırektory bolǵan.