«Qarashyǵanaq Petroleým» konsortsıýmyna qatysty arbıtrajdyq tekserý aıaqtalǵannan keıin jańa protsessýaldyq sheshim qabyldanady

Bul týraly búgin QR Bas prokýratýrasynyń resmı ókili Nurdálet Súıindikov BAQ ókilderimen bolǵan baspasóz máslıhaty barysynda málim etti.

Atalǵan kompanııanyń basshylyǵyna qatysty 187 mlrd. teńgeni urlaý faktisi boıynsha qylmystyq isti ótken aıdyń sońynda Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) qozǵaǵan bolatyn. Alaıda mamyrdyń 20-synda qarjy polıtsııasynyń resmı ókili Murat Jumanbaı prokýratýranyń iste qylmys quramynyń joqtyǵyna baılanysty toqtatqandyǵyn málim etken edi.

«Іske qatysty materıaldardy zerdeleý barysynda 180 mlrd. teńdegen astam ekonomıkalyq shyǵyn keltirý boıynsha taraptar, ıaǵnı QR ókiletti organdary men «Qarshyǵynaq Petroleým» kompanııasy arbıtrajdyq sotqa júginip otyrǵandyǵy belgili boldy», dedi ol. Sonymen qatar onyń atap ótýinshe, atalǵan somaǵa qatysty eki tarapqa da qatysty sot organdarynyń azamattyq tártippen qorytyndy sheshimi shyqpaǵan.

Osyǵan oraı prokýratýra tarapynan qarjy polıtsııasy qabyldaǵan qylmystyq is qozǵaý týraly qaýlynyń toqtatylǵandyǵyn aıtqan N.Súıindikov: «sonymen birge qarjy polıtsııasyna qosymsha tekserý júrgizý tapsyrylyp, qazirgi ýaqytta ol júrgizilýde. Arbıtrajdyq sheshim qabyldanyp ári Qazaqstan múddesine keltirilgen naqty shyǵyndar belgilengennen keıin jańa protsessýaldyq sheshim qabyldanady», dedi.

QR Bas prokýratýrasy resmı ókiliniń aıtýynsha, arbıtrajdyq sot tekserýleri respýblıkadan tys jerde ótpek.