«Qarashyǵanaq Petroleým» kompanııasyna tekserý júrgizilip jatqany ras - Bas prokýratýra
ASTANA. Naýryzdyń 4-i. QazAqparat /Aıdar Ospanalıev/ - «Qarashyǵanaq Petroleým» kompanııasyna tekserý júrgizilip jatqany ras. Eldegi keıbir aqparat quraldary bul tekserýdi ondaǵy óndirilgen Ónimdi bólisý jónindegi kelisimdermen balanysty degen syńaıdaǵy málimet taratypty. Men bul málimetti rastaı almaımyn.
Óıtkeni, oǵan baılanysty prokýratýra tarapynan tekserý júrgizilgen joq», dedi búgin Bas prokýratýranyń resmı ókili Nurdáýlet Súıindikov. Bul týraly ol jýrnalıstermen bolǵan brıfıngte aıtty, dep habarlaıdy QazAqparat.
Resmı ókildiń sózine qaraǵanda, atalmysh kompanııada tekserý jumystary eńbek jáne kóshi-qon zańdaryna baılanysty júrgizilip jatyr. «Onda qarjy nemese ózge de máselelerge baılanysty basqa qurylymdardyń tekserý júrgizýi múmkin. Al prokýratýra júrgizip otyrǵan tekserýler kóshi-qon men eńbek zańdylyqtarynyń saqtalýyna ǵana qatysty», dedi N.Súıindikov.
