Qarashyǵanaq kenishinde karantın jarııalandy
ORAL. QazAqparat – Qarashyǵanaq munaı-gaz kondensaty ken orny aýmaǵynda karantın jarııalandy, dep habarlaıdy QazAqparat tilshisi.
BQO bas memlekettik sanıtar dárigeriniń 23 mamyrdaǵy qaýlysyna sáıkes «Qarashyǵanaq Petrolıým Opereıtıng b.v.» kompanııasy aýmaǵynda 5 maýsymǵa deıin karantın rejımi engizildi.
Kenish aýmaǵynda jumys isteıtin qyzmetkerler men óndiristik qyzmetke tartylǵan, azyq-túlik taýarlary, dári-dármek, janar-jaǵar maı jáne basqa qajetti materıaldardy tasymaldaıtyn kólik quraldaryn qospaǵanda, kólik quraldarynyń kirip-shyǵýyna tyıym salyndy.
Barlyq kólik quraldarynda ilespe qujattary bolýy, sanıtarlyq óńdeýden ótip, tirkelýi tıis.
Túngi aýysymda jumys isteıtinderdi, olardy
tasymaldaıtyndardy, ákimdik, quqyq qorǵaý organdary, jedel járdem, sanıtarlyq-epıdemıologııalyq, órt sóndirý,
apattyq jáne basqa ómirlik qamtamasyz etý nysandary qyzmetkerlerin qospaǵanda, adamdardyń vahtalyq qalashyqtardyń ishinde, olardyń arasynda keshki saǵat 19.00-
den tańǵy 07.00-ge deıin júrip-turýyna tyıym salyndy.
Kenishke jańadan keletin eńbek mıgranttary oqshaýlaný talaptaryn saqtaı otyryp, ózge qyzmetkerlerden bólek ornalasatyn bolady.
Bórli aýdany ákimdigi provızorlyq jáne karantındik statsıonarlar qyzmetin, oǵan jatqyzylatyn adamdardy tasymaldaýdy qamtamasyz etip, barlyq vahtalyq qalashyqta
túsinik jumystaryn júrgizedi, shekteý sharalaryn buzýshylyq oryn alǵan jaǵdaıda óz quzyreti sheginde shara alady.
Sondaı-aq kenish aýmaǵynda sanıtarlyq-dezınfektsııalyq jumystar júrgizilip, barlyq tazalyq jáne saqtyq sharalary qolǵa alynady.
Eske sala keteıik, budan buryn Oral qalasynda
balabaqshalardyń qyzmeti qaıta toqtatylǵanyn, úsh adamnyń jansaqtaý bóliminde jatqanyn jazǵan bolatynbyz.
https://kaz.inform.kz/news/oral-kalasynda-balabakshalardyn-
zhumysy-kayta-toktatyldy_a3653571
https://kaz.inform.kz/news/koronavirus-oralda-ush-adam-
zhansaktau-boliminde-zhatyr_a3653581
