Qarashókeev azyq-túlik taýarlarynyń negizgi túrlerimen ishki naryqty molyqtyrý is-sharalaryn atady
«Memleket basshysynyń 2022 jylǵy 11 qańtarda bergen tapsyrmalaryn oryndaý úshin Aýyl sharýashylyǵy mınıstrligi azyq-túlik taýarlarynyń negizgi túrlerimen ishki naryqty molyqtyrý úshin mynadaı birqatar jedel jáne júıeli is-sharalar iske asyrylýda. Áleýmettik mańyzy bar azyq-túlik taýarlarynyń naqty qoljetimdiligin qamtamasyz etý men baǵany turaqtandyrý maqsatynda mınıstrlik taýarlar eksportyn tarıftik emes retteý is-sharalaryn qabyldaýda», - dedi ol.
Mınıstrdiń atap ótýinshe, 2022 jylǵy 1 shildege deıingi merzimge kúnbaǵys pen kúnbaǵys maıy eksportyna sandyq shekteýler engiziledi. 3 aı merzimge kartop pen sábiz eksportyna, iri qara mal men usaq maldy 6 aı merzimge shyǵarýǵa, em-shóp shyǵarýǵa tyıym salynady. Maýsymaralyq kezeńde ımporttyq jemis-kókónis ónimderin jetkizýdi uıymdastyrý múmkindigi pysyqtalyp jatyr.
«Sonymen birge nan baǵasyn turaqtandyrý maqsatynda osy jyldyń basynan bastap «áleýmettik» nan óndirý úshin óńirlerge «Azyq-túlik kelisim shart korporatsııasy» UK» AQ ótkizetin astyq qunyn sýbsıdııalaý engiziledi. Bul tetik astyqty ishki naryqqa ótkizý kezinde Azyq-túlik korporatsııasynyń shyǵystaryn naryqtan tómen óteýdi kózdeıdi», - dedi Erbol Qarashókeev.
