«Qarashyǵanaq Petroleým Opereıtıng B.V.» kompanııasyna 739 mln teńge aıyppul salyndy

ASTANA. KAZINFORM – Bul týraly Batys Qazaqstan oblystyq prokýratýrasynan málim boldy.

BQO mamandandyrylǵan tabıǵat qorǵaý prokýratýrasy «Qarashyǵanaq Petroleým Opereıtıng B.V.» AQ (budan ári - Kompanııa) qyzmetinde qorshaǵan ortaǵa lastaýshy zattardyń normatıvten tys shyǵaryndylary men tógindileriniń jalpy kólemi 264 tonna faktilerin anyqtady.

- Osyǵan baılanysty qadaǵalaý aktisi boıynsha Kompanııa ÁQBtK-niń 328-baby boıynsha ákimshilik jaýapkershilikke tartyldy (Qorshaǵan ortaǵa jol beriletin antropogendik áser etý normatıvterin buzý), jalpy somasy 739 568 808 teńgege aıyppuldar tolyǵymen óndirildi, - delingen habarlamada.

Osyǵan deıin aýasy lastanǵan Atyraýda qorshaǵan ortany qaı kompanııalar búldiretini týraly materıal jarııalaǵan edik.