Qarashyǵanaq ken ornynda altynshy kompressor iske qosyldy

ORAL. KAZINFORM — Búgin Qarashyǵanaqty keńeıtý jobasy aıasynda jylyna 4 mlrd tekshe metr gazdy keri aıdaýǵa qaýqarly 6-kompressor iske qosyldy. Saltanatty rásimge oblys ákimi Narıman Tóreǵalıev, Energetıka mınıstrligi, ýákiletti organ – «PSA» JShS, seriktes kompanııalardyń ókilderi jáne KPO basshylyǵy qatysty.

a
Foto: BQO ákimdigi

Aımaq basshysy Prezıdent Qasym-Jomart Toqaev 2023 jyldyń naýryz aıynda Batys Qazaqstan oblysyna jasaǵan jumys sapary aıasynda munaı-gaz salasyn odan ári damytý jóninde naqty tapsyrmalar bergenin atap ótti.

y
Foto: BQO ákimdigi

- Memleket basshysy kompanııanyń óńirdegi áleýmettik-ınfraqurylymdyq jobalardy qarjylandyrý jáne ekonomıkalyq ósimdi qamtamasyz etýdegi úlesin oń baǵalady. Memleket pen ınvestorlar arasyndaǵy tıimdi yntymaqtastyqtyń jarqyn kórinisi retinde búgin elimizdiń munaı-gaz ónerkásibi úshin mańyzdy jobany iske qosyp otyrmyz. Halyqaralyq seriktester, ınjenerlik-tehnıkalyq mamandar men qurylysshylar, ınvestıtsııalyq sheshimdi qabyldaýǵa qatysyp, mindettemelerdiń sapaly ári ýaqytyly oryndalýyn qamtamasyz etken ókiletti organ – «PSA» JShS Bas dırektory, Basqarma tóraǵasy Beket Izbastın bastaǵan ujymǵa nátıjeli eńbek úshin alǵys bildiremin, - dedi Narıman Tóreǵalıev.

Oblys ákimi jergilikti qamtý úlesin arttyrý, otandyq kásiporyndardy qoldaý jáne halyqty jumyspen qamtý memleket saıasatynyń basym baǵyttary ekenin atap ótti. Jańa kompressordyń qurylysyna 2 myńǵa jýyq jergilikti turǵyn tartyldy.

y
Foto: BQO ákimdigi

Mańyzdy joba gaz faktoryn tómendetý, jáne ken ornyndaǵy suıyq kómirsýtekter óndirý deńgeıin turaqty saqtaýǵa baǵyttalǵan. 6-kompressordyń sátti iske qosylýy Qarashyǵanaq tarıhyndaǵy jańa kezeńniń bastalǵanyn bildiredi jáne KPO-nyń álemdik deńgeıdegi iri jobalardy tabysty júzege asyrý áleýetin kórsetedi.

Qarashyǵanaq ken orny
Foto: BQO ákimdigi

Aıta keteıik, KPO oblysta áleýmettik jáne ınfraqurylymdyq jobalardyń júzege asyrylýyna da eleýli úles qosyp keledi.

2025-2026 jyldary 24 joba tolyq aıaqtalyp, paıdalanýǵa berildi. Ózara tıimdi yntymaqtastyqtyń nátıjesinde «Aýyl amanaty» baǵdarlamasyna qatysýshy óńir turǵyndary kompanııaǵa 1,3 mlrd teńgeniń ónimin ótkizdi. Keshendi qoldaý sharalary eń aldymen halyqtyń turmys sapasyn jaqsartýǵa baǵyttalyp otyr.

Qarashyǵanaq ken orny
Foto: BQO ákimdigi