Qarashyǵanaq gaz óńdeý zaýytynyń jobalyq qujattaryn ázirleý bastaldy — Aqkenjenov

ASTANA. KAZINFORM — Qarashyǵanaq gaz óńdeý zaýytynyń jobalyq qujattaryn ázirleý bastaldy. Bul týraly Energetıka mınıstri Erlan Aqkenjenov aıtty.

— Bıyl jobalyq qujattaryn ázirleýge kiristik. Ol naqty birneshe kezeńdi ótkizýdi talap etedi. Osy jyly qurylysty bastaıtyndyǵymyzǵa esh kúmánim joq, — dedi Energetıka mınıstri Aqordada.

Aıta keteıik, ótken jyldyń jeltoqsanynda «QazMunaıGaz» ulttyq kompanııasy men Qytaıdyń «CITIC Construction Co., Ltd» kompanııasy arasynda Qarashyǵanaq gaz óńdeý zaýytyn salý boıynsha yntymaqtastyqtyń bazalyq qaǵıdattary týraly kelisimge qol qoıyldy. 

Qujat Qarashyǵanaq gaz óńdeý zaýytynyń jobasyn iske asyrý negizderin, onyń ishinde qunyn baǵalaý, jabdyqtar jıyntyǵyn jáne yntymaqtastyq baǵyttaryn aıqyndaıdy.