Qarashegirtkeden jasalǵan makaron: dámdi, biraq óte qymbat
Ony daıyndaý barysy óte ońaı: qarashegirtkelerdi áýeli qatyryp, sýǵa pisirip, keptirip, odan keıin untaqtaıdy.
Ashyq qońyr tústi un makaron, nan nemese quımaq pisirýge, sondaı-aq energetıkalyq batonchıkter, tipti sportshylarǵa joǵary kalorııaly sýsyndar jasaýǵa óte yńǵaıly.
Qazirgi kezde qarashegirtke, sondaı-aq qumyrsqalar men qurttardy jeý tańǵalarlyq emes. Mysaly, Azııada olar myńdaǵan jyldar boıy taǵam retinde tutynylyp keledi.
Eýropa úshin bolsa, bul jándikterdi jeý - áli de kúmándi ekzotıka. Bul jaǵdaı Eýropalyq Odaqtyń jaqynda adam taǵamyna arnalǵan jándikterdi satýǵa bergen ruqsatyna qalaı áser etetini ázirge belgisiz.
Eldegi bılik ókilderiniń keıbireýleriniń qarsylyq tanytqanyna qaramastan, birneshe ıtalııalyq kásipker makaron, pıtstsa jáne tiskebasar taǵamdaryn óndirýdi jetildirýde.
Týrın mańyndaǵy meıramhana aspazy Sımone Loddo 1000 jylǵa jýyq makaron pastasy retseptin jańa ıngredıentke beıimdep alǵan.
Endi onyń qamyrynyń 15% qarashegirtke untaǵynan turady. Odan kúshti jańǵaq ıisi shyǵady.
Keıbir kelýshiler jándikterden jasalǵan talıatelle taǵamyn jep kórýden úzildi-kesildi bas tartady. Al batyldyq tanytqandar onyń erekshe dámine tańǵalyp júr.
Rasynda, qarashegirtke qamyrynan jasalǵan makaronnan dám tatýǵa báriniń birdeı batyly barmaıdy, al jep kórgender taǵamdy óte dámdi dep baǵalady.
Sonymen qatar, qarashegirtke untaǵy — bul dárýmen, talshyqtar, mıneraldar jáne amın qyshqyldaryna baı sýperónim. Mysaly, qarashegirtke makaronynyń bir tabaǵynda sıyr etiniń steıkine qaraǵanda temir men magnıı kóp.
«Eger siz qarashegirtkeden jasalǵan taǵam satyp alǵyńyz kelse, qomaqty aqsha jumsaýyńyzǵa týra keledi. Qarashegirtke uny - bul kádimgideı qaltaǵa salmaq. Onyń bir kelisi shamamen 60 eýro turady. Qarashegirtke makaronyn satyp alam deseńiz, bir paket unnyń quny segiz eýroǵa deıin jetýi múmkin», - deıdi ferma meńgerýshisi Ivan Albano.
Bul sýpermarkettegi kádimgi makaronnyń standartty qaptamasynan shamamen segiz ese qymbat.
Búgingi kúni jándikterden jasalǵan taǵam Batys elderiniń turǵyndarynyń ratsıonynda óte jaqsy, biraq baǵasy qymbat ónim bolyp sanalady, óıtkeni fermerler qus eti men sıyr etin áldeqaıda tómen baǵamen satýda.
