Qarashanyń aıaǵyna deıin Tarazdaǵy áýejaıdyń ushý-qoný jolaǵyn jańǵyrtý jumystary aıaqtalady - Q. Bozymbaev
ASTANA. 10 qazan. QazAqparat - Bıylǵy qarashanyń aıaǵyna deıin Taraz qalasyndaǵy áýejaıdyń ushý-qoný jolaǵyn qaıta jasaý jumystary aıaqtalady.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Jambyl oblysynyń ákimi Qanat Bozymbaev málim etti.
Ákimniń sózine qaraǵanda, endi áýejaıdaǵy jolaqtyń uzyndyǵy 3,5 shaqyrymǵa jetip, bul óz kezeginde sońǵy býyndy ushaqtardyń barlyq túrlerin qabyldaýǵa múmkindik beredi. Bul maqsattarǵa 3,4 mlrd. teńge bólindi. Budan bólek osy áýejaıdyń ıeleri jolaýshylar termınalyn qaıta jańǵyrtý ústinde. Oǵan 1,8 mlrd. teńge kóleminde ınvestıtsııa salynyp otyr. Osy jumystar aldaǵy jyldyń kókteminde aıaqtalady dep kútilýde.
«5,5 myń sharshy metr aýdandy qamtıtyn osy jańa jolaýshylar termınaly qazirgi zamanǵy barlyq talaptarǵa saı keledi»,-dedi Q. Bozymbaev.
